Roma barazon me Leccen

Roma nuk ka marrë më shumë se një pikë në udhëtim te Lecce.

Të shtunën mbrëma, skuadra e drejtuar nga Jose Mourinho barazoi 1:1 në udhëtim.

Lecce kaloi në epërsi e para me autogolin e Roger Ibanezit në minutën e shtatë.

Roma barazoi shumë shpejt me Paulo Dybalan (17’) nga penalltia.

Deri në fund, pavarësisht këmbënguljes së mysafirëve, nuk pati ndryshim në rezultat.

Barazimi e ngrit Romën në pozitën e tretë me 41 pikë, aq sa ka edhe Milani një pozitë më poshtë.