Fitorja e dytë rresht për Galatasarayn në Champions

Galatasaray e humbi ndeshjen e parë të fazës së ligës në Ligën e Kampionëve, por më pas fitoi në ndeshjen e vështirë ndaj Liverpoolit. 

Të mërkurën mbrëma ka regjistruar tjetër sukses në Champions, në ndeshjen e tretë. 

Fitoi 3:1 në shtëpi ndaj Bodo/Glimtit. 

Skuadra e madhe turke fitoi ndaj asaj norvegjeze me dy gola të Victor Osimhenit në pjesën e parë, dhe një të Yunus Akgunit në pjesën e dytë. 

Andreas Helmersen e shënoi golin e vetëm për mysafirët. 

Pas tri ndeshjeve, Galatasaray i ka gjashtë pikë, ndërsa Bodo/Glimti mbetet me dy pikë.