Bundesliga e përfshin Asllanin në konkurrencë për lojtarin më të mirë

Janë 16 kandidatë në listën e ngushtë për lojtarin më të mirë të pjesës së parë të edicionit 2025/2026 në Bundesligën gjermane.

Në mesin e lojtarëve të përzgjedhur nga sajti zyrtar i Bundesligës, është edhe Fisnik Asllani, sulmuesi i Hoffenheimit.

“Nëpërmjet golave, ndërhyrjeve të suksesshme apo pritjeve të shkëlqyera, të gjithë të nominuarit kanë lënë gjurmë në 15 xhirot e para”, shkruan Bundesliga.

Pjesë e listës është edhe sulmuesi i Bayernit, Harry Kane.