Juventusi mposht thellë Napolin

Juventusi ka fituar bindshëm përballë kampionit në fuqi të Italisë, Napolit, dhe vazhdon ecurinë pozitive të rezultateve.

Të dielën në “Allianz Stadium”, Juventusi fitoi 3:0. Nuk kishte minuta për Edon Zhegrovën që ishte në bankën rezervë te vendësit, ndërsa Amir Rrahmani ishte i lënduar dhe nuk luajti te Napoli.

Te Juventusi në bankën rezervë ishte edhe portieri i talentuar, 17-vjeçari Raffaele Huli, që luan për “Juventus Primavera” dhe grupmoshat e Shqipërisë.

Jonathan David në pjesën e parë, dhe Kenan Yildiz e Filip Kostiq në pjesën e dytë, i shënuan golat e fitores për “zonjën e vjetër”.

Juventusi tani ka 42 pikë dhe zë vendin e pestë. Napoli e ka një pikë më shumë.