Një gol dhe fillim i dy aksioneve që përfunduan me gol.
Xherdan Shaqiri ishte vendimtar në fitoren e madhe të Zvicrës ndaj Serbisë.
Shaqiri u zëvendësua në minutën e 69-të dhe u pa i nervozuar pasi lëshoi fushën.
Kjo është shenjë e mirë sipas televizionit zviceran, SRF. Është dëshmi që Shaqiri është i gatshëm për lojë dhe fizikisht në nivelin e kërkuar.
“Ndeshja dramatike në stadiumin ‘974’ ka treguar një gjë: Shaqiri është ‘lojtari që bën diferencën’ te Zvicra. Sa më e lartë skena, aq më i madh bëhet Shaqiri”, ka shkruar SRF.
Është goli i pestë për Shaqirin në Kupa Botërore. Është i vetmi përkrah Lionel Messit dhe Cristiano Ronaldos që ka shënuar gola në tre Botërorët e fundit.
Televizioni zviceran ia ka lënë meritat Shaqirit që Zvicra është për herë të pestë rresht në fazën nokaut të turneve të mëdhenj.
Vetëm edhe tri përfaqësuese tjera evropiane e kanë arritur këtë.