Padyshim në opinion është pritur shumë mirë lajmi për rinovimin e fushës së stadiumit “Fadil Vokrri” në Prishtinë.
Instalimi i barit hibrid është një lajm i mirë por assesi i mjaftueshëm pasi stadiumi i kryeqytetit i ndërtuar në vitin 1951 tani ka nevojë për një rrënim të plotë dhe nisja e ndërtimit që nga themelet, shkruan GazetaSport.
Shembulli më i mirë është Shqipëria. Edhe ata e kishin një stadium ikonë si “Qemajl Stafa”, i cili kishte vite 10 vite më i vjetër se ky i Prishtinës (1943), por drejtuesit e shtetit vendosën ta rrënojnë plotësisht dhe ta ndërtojnë një të ri si “Air Albania”.
Shqipëria sot mburrët me infrastrukturë, duke arritur që në këtë stadium të zhvillohet edhe finalja e Conference Leagues, ndërsa ne vazhdojmë të merremi me rinovime e assesi me investime të plota.
Ka ardhur koha që shteti të mendojë për imazhin e vendit. Kosovës i duhet një stadium i ri i cili me mburrje do t’i priste kombëtaret tjera e assesi nga aty të dalin të zhgënjyer siç kanë dal më herët. /GazetaSport