Stinori pranveror për edicionin garues 2023/24 do të nisë më 4 shkurt, me ndeshjet e 1/8 së finales së Kupës së Kosovës, derisa Albi Mall Superliga e rifillon garën më 10 shkurt.
“Skuadrat e Ligës së Parë i rikthehen kampionatit në fundjavën e 17 e 18 shkurtit.
Afati kalimtar për të gjitha ligat përfundon më 31.01.2024, përfshirë ligat e femrave si dhe të gjitha grupmoshat e reja.
Të gjitha transferet ndërkombëtare duhet të kryhen në sistemin TMS.
Klubet të cilat kanë ndonjë transfer ndërkombëtar dhe nuk kanë qasje në TMS duhet të dërgojnë me email këto të dhëna:
1. Letërnjoftimin ose pasaportën lojtarit të skenuar në PDF.
2. Email adresa e personit te autorizuar (email adresa duhet të jetë personale dhe jo email adresë gjenerale e klubit).
Ndërkohë, ju rikujtojmë se regjistrimet e lojtarëve amatorë kryhen në Lidhjet Rajonale andaj për informata rreth regjistrimit/transferit të lojtarëve amatorë kontaktoni Administratorin/en e LRF-së”, njofton FFK.