Sulmuesi Patrick Da Costa është afrimi më i ri te skuadra e Suharekës.
Suhareka të shtunën ka njoftuar se ka arritur marrëveshje dyvjeçare me 27-vjeçarin.
“Ju njoftojmë që kemi arritur marrëveshje transferimi me sulmuesin anësor Patrick Da Costa i cili bashkohet me klubin tonë me kontratë dyvjeçare me mundësi vazhdimi”, shkruan në njoftimin e klubit suharekas.
Da Costa si futbollist është zhvilluar në kampionatin zviceran. Ai ka qenë pjesë e disa skuadrave të njohura zvicerane si Zuerichu.
Së fundmi ishte pjesë e skuadrës së kategorisë së katërt të futbollit zviceran Juventus Zuerich.