Ballkani ka kaluar në rrethin tjetër të parakualifikimeve për në fazën e ligës në Ligën e Konferencës, duke eliminuar Florianan me rezultat të përgjithshëm 5-3.
Klubi kosovar ia nisi shumë mirë këtij takimi, duke krijuar disa raste për gol, por u mungoi konkretizimi.
Në anën tjetër, Floriana ishte më kërkuese, ndërsa ia doli të shënonte golin e epërsisë në fund të pjesës së parë.
Në minutën e 38-të, Dunstan Vella kaloi Florianan në epërsi, duke çuar rezultatin në 1-0.
Por, Ballkani nuk u dorëzua dhe u kundërpërgjigj me anë të Adetunjit, që shënoi për 1-1 në minutën e 45+1-të.
Në pjesën e dytë ishte një pamje tjetër, pasi që të dy skuadrat nuk arritën të shënonin më gola.
Skuadra kosovare ia doli ta ruante epërsinë prej dy golashë, për të siguruar kalimin në rrethin e katërt të Ligës së Konferencës.
Në këtë fazë, Ballkani do të përballet me shumë gjasë me Shamrock Rovers, një kundërshtar aspak i lehtë, pasi mposhti St Josephs me rezultat 4-0 në ndeshjen e parë.