Finalja e sezonit të shkuar, ajo ndërmjet Real Madridit dhe Liverpoolit, do të përsëritet në fazën nokaut të këtij sezoni.
Liverpooli dhe Reali, do të përballen në 1/8 e finales të Ligës së Kampionëve.
…..
Është hedhur shorti për 1/8 e finales në Ligën e Kampionëve në Nyon të Zvicrës.
Shorti ka treguar që do të ketë duele shumë të forta në këtë fazë të garave.
Kampioni në fuqi i Evropës, Real Madrid do të përballet me Liverpoolin në përsëritjen e finales së vitit të kaluar. Përballje e zjarrtë pritet të jetë edhe ajo mes kampionit në fuqi të Gjermanisë, Bayern Munich dhe atij francez PSG.
Milan do të përballen me Tottenham Hotspur, derisa Manchester City kishte fat në short pasi përballë do ta ketë RB Leipzigun.
Interi do të takohet në këtë fazë me Porton, ndërsa Chelsea përballet me Borussia Dortmund.
Çiftet në 1/8 e finales në Ligën e Kampionëve:
RB Leipzig – Manchester City
Club Brugge – Benfica
Liverpool – Real Madrid
AC Milan – Tottenham Hotspur
Eintracht Frankfurt – Napoli
Borussia Dortmund – Chelsea
Inter – Porto
PSG – Bayern Munich