Pas ndeshjeve të para çerekfinale të Ligës së Kampionëve, Manchester City shihet si favoriti kryesor për ta fituar këtë trofe.
Të paktën ky është parashikimi i “Opta” pas fitores bindëse të “Citizens” ndaj gjigantit bavarez me rezultat 3:0, shkruan “BBC”..
Superkompjuteri e kalkuloi përqindjen e mundësive të ekipeve për ta ngritur lartë trofeun, dhe, pas fitores në “Etihad Stadium”, mundësitë e ekipit të Pep Guardiolës janë rritur në 45.4%.
Interi pas fitores me Benfican në udhëtim është renditur i dyti me 16.2 për qind, i përcjellë nga Real Madridi, me 16 për qind.
Ndërkaq, me më së paku gjasa për ta fituar Championsin në këtë sezon e sheh veten Chelsea, e cila pas humbjes 0:2 nga Real Madridi, ka mundësi vetëm 0.8% që ta fitojë trofeun për herë të tretë në histori, ndonëse ndeshjen e kthimit me “Los Blancos” do ta zhvillojë në shtëpi, shkruan “Gazeta Express”.
Superkompjuteri “Opta” i parashikoi edhe shanset e ekipeve për të shkuar në gjysmëfinale, ku i jep mundësi 96.1% përballjes së Cityt me Real Madridin në atë fazë.
