Një superkompjuter ka bërë një parashikim të ri të guximshëm për garën e nxehtë të titullit në Ligës Premier mes Manchester Cityt dhe Arsenalit pas Kupës së Botës “Katar 2022”.
Skuadra e Arsenalit të Mikel Artetës ka qenë në formë të bujshme këtë sezon dhe ka mahnitur tifozët rivalë me sfidën e tyre të papritur për titullin e Ligës Premier.
Arsenali ka fituar 12 ndeshje në ligë dhe ka barazuar një herë këtë sezon, me humbjen e tyre të vetme në ligë nga Manchester Unitedi në Old Trafford në shtator.
Topçinjtë janë në krye të tabelës së ligës me 37 pikë pas 14 ndeshjesh, duke kryesuar kampionatin me pesë pikë para Cityt.
Nga ana tjetër, djelmoshat e Pep Guardiolës do të shpresojnë të zvogëlojnë epërsinë e Arsenalit në muajt e ardhshëm pas përfundimit të Kupës së Botës.
Një superkompjuter tani ka parashikuar që kampioni në fuqi i Ligës Premier, City do ta kalojë Arsenalin në garën e titullit të ligës këtë sezon.
Sipas superkompjuterit të BonusCodeBets, City do të fitojë titullin e tretë radhazi në Ligën Premier, duke rrëmbyer kreun e tabelës së ligës nga Arsenali, i cili do të përfundoj në vendin e dytë dhe do të sigurojë një vend në Ligën e Kampionëve.
Superkompjuteri beson se Liverpool do të shohë një kërcim të madh në gjysmën e dytë të sezonit dhe do të përfundojë i treti, ndërsa Tottenham Hotspurs do të sigurojë vendin e fundit në top katërshe.
Newcastle Unitedi, i cili aktualisht është i treti dhe sfidues për një vend në katërshe, tani parashikohet të përfundojë përpara Djajve të Kuq këtë sezon.
Djemtë e Eddie Howe parashikohet të humbasin pozitën e katërt dhe të përfundojnë në vendin e pestë, ndërsa skuadra e Erik ten Hag duhet të kënaqet me një përfundim në vendin e gjashtë.
“Superkompjuteri ynë ka parashikuar se Arsenali do të fillojë të shkërmoqet dhe të përfundojë poshtë Manchester Cityt, por do të mbetet përpara Liverpoolit”.
“Tottenhami është i vendosur të përfundojë i katërti dhe mund të vijë me një tronditje që Newcastle parashikohet të përfundojë i pesti, përpara Manchester United në vendin e gjashtë dhe Chelsea në të shtatën”.
“Wolves, Bournemouth dhe Nottingham Forest janë të vendosur të përfundojnë në fund të tabelës dhe Bournemouth mund të kthehet në Championship pas një periudhe të shkurtër në Ligën Premier”.
“Arsenali qëndron në krye të Ligës Premier për momentin përpara Manchester Cityt, kështu që do të jetë interesante të shihet kur gjërat të fillojnë të ndryshojnë”, tha një zëdhënës i BonusCodeBets.
Parashikimi i superkompjuterit për tabelën e plotë të Ligës Premier në fund të sezonit 2022/23:
1.Manchester City (Kampion)
2.Arsenal (Ligë të Kampionëve)
3.Liverpool (Ligë të Kampionëve)
4.Tottenham Hotspur (Ligë të Kampionëve)
5.Newcastle United (Ligë të Evropës)
6.Manchester United (Ligë të Evropës)
7.Chelsea (Ligë të Konferencës)
8.Brighton & Hove Albion
9.Crystal Palace
10.Aston Villa
11.Leicester City
12.West Ham United
13.Brentford
14.Fulham
15.Leeds United
16.Southampton
17.Everton
18.Wolverhampton Wanderers (Championship)
19.Bournemouth (Championship)
20.Nottingham Forest (Championship)