Labinot Bajrami vlerësohet prej sulmuesve më perspektiv në Zvicër. Dhe 18-vjeçari ka vendosur të vazhdojë zhvillimin te Zuerichu.
Ky klub të premten njoftoi se Labinot Bajrami ka vazhduar kontratën për tri vjet. Kontrata e vjetër i skadonte vitin e ardhshëm, ndërsa me kontratën e re do të jetë te Zuerichu deri në vitin 2028.
Bajrami nisi karrierën te Winterthuri, ndërsa në vitin 2019 iu bashkua Grasshopperit.
Në janar të vitit 2021 ai iu bashkua Akademisë së Zuerichut dhe menjëherë shfaqi aftësitë e sulmuesit.
Aktualisht Bajrami luan me ekipin U21 të Zuerichut, ndërsa ka shënuar 30 gola në 55 paraqitje.
Bajrami i ka 26 paraqitje për ekipet përfaqësuese të Zvicrës, ndërsa ka realizuar 12 gola. Aktualisht është pjesë e U19 të Zvicrës.