Kombëtarja e Kosovës në futboll këtë të premte do të mësojë kundërshtarët e saj në kualifikueset për Kampionatin Botëror që këtë herë mbahet në SHBA-Kanada-Meksikë 2026.
Shorti hedhet në Nyon të Zvicrës dhe përveç trajnerit Franco Foda, me ftesë të UEFA-s prezent do të jetë edhe presidenti i FFK-së, Agim Ademi, shkruan Ballkani.info.
Kosova tashmë e ka mësuar vazon e vet dhe ajo do të jetë në Vazon e katërt ndërsa këtë herë ka shanse të mëdha që në grup ta ketë edhe Shqipërinë që është në Vazon e tretë.
Ndeshjet kualifikuese fillojnë të luhen prej qershorit të vitit 2025.