Fushë Kosova ka shënuar fitore të madhe si mysafire në udhëtim te Ulpiana, derbin e javës në Grupin B të Ligës së Parë.
Tekniku i Pampurave, Burim Shala nuk do mend se ishte shumë i lumtur.
Në prononcimin pas ndeshjes për Art Sport, ai u çoi mesazh konkurrentëve si Ulpiana e Flamurtari që të luftojnë për vendin e dytë, sepse i pari i takon skuadrës që drejton ai.
“Ka qenë një ndeshje e vështirë. Kjo lojë ka qenë ndoshta më e dobëta e këtij sezoni. Jam i sigurtë që do të përmirësohemi. Nuk mendoj se Ulpiana është konkurrent i yni për vendin e parë. Ulpiana e Flamurtari le të luftojnë për pozitën e dytë. Pozita e parë është për ne”, tha ndër të tjerash ai.