Ylli i Borussia Dortmundit, Marco Reus, ka kërkuar largimin e trajnerit të skuadrës Edin Terzic, raporton “Bild”.
Informacionet thonë se pikërisht për këtë futbollisti 34-vjeçar ka qenë zëvendësues në ndeshjen ndaj Mainz-it në kuadër të xhiros së 16-të të Bundesligës, e cila përfundoi në barazim 1-1.
Lojtarët e verdhezinjve shprehen të pakënaqur me stilin e lojës nën drejtimin e Terzicit. Specialisti 41-vjeçar është në krye të ekipit të “Signal Iduna Park” që nga mesi i vitit 2022.
Në 4 ndeshjet e fundit për kampionatin, skuadra e Borussia Dortmundit nuk ka shënuar asnjë fitore në llogarinë e saj. Pas 16 xhirove, westfalianët zënë vendin e palakmueshëm të 5-të në renditjen provizore të Bundesligës me 27 pikë.