Përfaqësuesja e Kosovës në tenis (vajzat) e ka siguruar fitoren e parë në “Billie Jean King Cup”, garën botërore në nivel ekipor. Në Portugali, Kosova po përballet me Afrikën e Jugut në kuadër të Grupit II. Dhe tashmë është siguruar fitorja.
Fillimisht Adrijana Lekaj fitoi 2:0 në sete ndaj Marilouise Van Zyl. Setin e parë Adrijana e fitoi 6:1, ndërsa të dytin 6:4.
Arlinda Rushiti e fitoi përballjen e dytë. Ajo bëri rikthim të madh ndaj Suzanie Pretorius. Setin e parë e humbi 6:4, ndërsa më pas u kthye me fitore 6:0 e 6:1.
Ka mbetur edhe përballja në çifte, por fitorja është siguruar tashmë. Dy duelet e para në Botëror, Kosova i kishte humbur.