Tërbohen serbët, Davis Cup e shfaq Serbinë pa Kosovën para ballafaqimit ndërmjet Gjokoviqit dhe Alcarazit
Tenisti serb, Novak Gjokoviq gjithashtu duhet të luajë për ekipin e tij kombëtar në turne.
Shumë adhurues të tenisit në Serbi e prisnin me padurim rikthimin e Gjokoviqit në skuadrën me të cilën fitoi “salatarën” në vitin 2010, por shpallja e turneut do ta prishë gëzimin e serbëve.
Skuadra e Davis Cup e Serbisë luan nga 12 deri më 17 shtator të këtij viti në Valencia, ndërsa gara organizohet në katër qytete. Përveç Valencias, organizatorë janë Bolonja, Mançesteri dhe Spliti, shkruan Ballkani.info.
Në Valencia, Serbia në fazën e grupeve luan me Spanjën, Korenë e Jugut dhe Çekinë dhe ai turne u paralajmërua me hartën e Serbisë, pa Kosovën, ashtu siç duhet të jetë, mirëpo kjo i ka tërbuar mediat serbe.
Në klip, personazhet e Carlos Alcaraz dhe Novak Gjokoviq shihen si dy yjet më të mëdhenj të garës së ardhshme.