Finalja mes Trepçës dhe Yllit në palestrën “Minatori” ka përfunduar me incident.
Mitrovicasit triumfuan ngushtë 67:66 dhe u duk se gjithçka shkoi mirë.
Megjithatë, pas përfundimit të finales, disa tifozë janë përleshur, ndërsa kanë kërkuar tretman mjekësor në spitalin rajonal të Mitrovicës për shkak të lëndimeve nga thika.
Në një prononcim zëdhënësi i policisë për rajonin e Mitrovicës, Avni Zahiti ka thënë se dy persona kanë pësuar lëndime nga mjetet të mprehta (thikë).
“Rreth orës 21:30, është raportuar se dy persona të lënduar nga mjeti i mprehtë kanë kërkuar tretman mjekësor në emergjencën e spitalit rajonal në Mitrovicë. Njësitet kompetente policore po merren me rastin”, tha Zahiti.