Ballina-2

    Tifozët argjentinas e fyejnë rëndë Mbappen me një këngë: Nëna e tij nga Angola, babai nga Kameruni (video)

    Tifozët e Argjentinës janë të entuziazmuar pas fitores 3:0 ndaj Kroacisë dhe kalimit në finalen e madhe të Kupës së Botës.

    Kështu, me brohoritje të zjarrta, fansat e zjarrtë, përveç këngëve standarde, dolën me një të re kushtuar Francës.

    Mirëpo, ndryshe nga të tjerat që kanë në fokus Argjentinën, Messin dhe titullin e botës, ky i dedikohet futbollistëve afrikanë të veshur me fanellën e Francës.

    Kjo këngë cilësohet si skandaloze ndërsa më poshtë janë vargjet e këngës:

    “Shpërndani thashetheme, ata luajnë për Francën, por të gjithë janë nga Angola. Sa bukur që është. Ne do t’i bëjmë ata të vrapojnë. Nëna e tij (Mbappe) është nga Nigeria, babai i tij është nga Kameruni. Por, në dokumente ai është francez”.

    Argjentina në finalen e 18 dhjetorit do të ketë përballë pikërisht Francën.