Ballina-2

    Tifozët janë të bindur se ‘mallkimi për shtatë sezone’ i Jurgen Klopp është i vërtetë 

    Nata e së shtunës e Jurgen Klopp filloi me një rrëshqitje fatkeqe në “Anfield Road” – një moment që u kap nga kamerat BT Sport.

    Për periudhat e mëdha të ndeshjes të së shtunës në Ligën Premier kundër Leeds, Liverpooli luftoi për të marrë kontrollin e lojës. Ka qenë një fillim jashtëzakonisht i ngadaltë i sezonit për lojtarët e gjermanit dhe të shtunën mbrëma, skuadra e Jesse Marsch përfitoi me një shfaqje luftarake.

    Rodrigo përfitoi pas një pasimi të dobët nga Joe Gomez për t’u dhënë vizitorëve një epërsi të hershme. Mohamed Salah barazoi dhjetë minuta më vonë, por siç vuri në dukje Klopp në intervistën e tij pas ndeshjes, ata luftuan për të ndërtuar mbi atë momentum dhe e paguan çmimin vonë.

    Një ditë para ditëlindjes së tij të 21-të, Crysencio Summerville u fut në fushë në minutën e 89-të për t’i dhënë Leedsit një tre pikë të rëndësishme.

    Shumë prisnin që Reds të riktheheshin duke luftuar pasi humbën për pak titullin e Ligës Premier sezonin e kaluar, por lëndimet, si dhe mungesa e transferimeve, veçanërisht në zonën e mesfushës, me sa duket e ka bërë dëmin e vet.

    Pas humbjes nga Leeds, disa tifozë në rrjetet sociale vunë në dukje të ashtuquajturin ‘mallkim për shtatë sezone’ të Jurgen Klopp.

    Në rolin e tij të parë si trajner në skuadrën gjermane Mainz, Klopp siguroi promovimin në Bundesligë për herë të parë në historinë e klubit, por tre vjet pas atij momenti historik – në atë që ishte sezoni i shtatë i Kloppit – Mainz ra nga liga.

    Më pas, pas periudhës së tij në Mainz, Klopp shkoi në Borussia Dortmund, ku i ndihmoi ata të fitonin titullin e Bundesligës. Ata gjithashtu arritën në një finale të Ligës së Kampionëve.

    Por, në sezonin e tij të shtatë në “Signal Iduna Park”, ata humbën Robert Lewandowskin, që shkoi te Bayern Munich dhe përfunduan në vendin e shtatë në ligë. Klopp, nga ana tjetër, u largua pas një edicioni të dobët.

    Dhe ja ku jemi. Klopp është aktualisht në sezonin e tij të shtatë në Anfield dhe rezultatet flasin vetë.