Tifozja më e njohur kroate, Ivana Knoll, e ka kritikuar organizimin e Kampionatit Botëror në Katar duke shprehur pakënaqësinë e saj në Instagram.
“Kjo është një katastrofë! Më vjen keq për të gjithë njerëzit që nuk mund të shkojnë në Kampionatin Botëror për shkak të organizimit më të keq në histori”.
“Përcjellësit e mi as pas 20 ditësh nuk mori një ‘hayya card’, edhe pse i kanë të gjitha biletat për në finale. Të gjithë miqtë tanë, gjithashtu!”.
“Unë padyshim që kam shumë fat që shkoj për të bërë tifo për Kroacinë… Është e qartë pse kaq shumë njerëz as që donin të merrnin pjesë në këtë cirk!”, ka shkruar mes tjerash në postim.
Kujtojmë se Ivana tërhoqi vëmendjen gjatë Kampionatit Botëror në Rusi duke bërë tifo për përfaqësuesen e Kroacisë. Shfrytëzues të shumtë të rrjeteve sociale e shpallën atë si tifozen më të bukur kroate.
Në shkurt, ishte në Los Angeles, ndaj shfrytëzoi rastin për të parë drejtpërdrejt Super Bowlin spektakolar. Ajo kishte mbërritur në stadiumin e Los Angeles Rams me një veshje provokuese, ndaj ka tërhequr shumë vëmendjen e fansave të pranishëm.
Ivana ka lindur në Gjermani, ndërsa është me origjinë nga Capljina. Është regjistruar në Fakultetin e Artit Grafik në Zagreb, ndërsa në vitin 2016 mori pjesë në garën për Miss Kroacia.
