Tottenham Hotspour u ndal me barazim nga Rangers, ndërsa fitore bindëse kanë shënuar Roma e Lazio, me këta të fundit që marrin vendin e parë në Ligë të Evropës pas gjashtë xhirove të para.
Skuadra londineze, Tottenham, e pa veten në disavantazh ndaj Rangers, por që deri në fund arriti të paktën një barazim.
Igamane shënoi për vendasit në minutën e 47-të për 1:0, pas një pjese të parë pa gola.
Golin e barazimit e shënoi Dejan Kulusevski në minutën e 75-të.
Tottenahm me barazimin 1:1 renditet në vendin e nëntë, pasi ka 11 pikë në gjashtë xhirot e para.
Në anën tjetër, skuadrat nga kryeqyteti italian, Roma e Lazio, kanë shënuar fitore bindëse, madje këta të fundit kanë rrëmbyer vendin e parë.
Roma fitoi 3:0, ku Pellegrini, Abdulhamid dhe Hermoso, ishin realizuesit e golave ndaj Bragës.
Roma me këtë fitore i jep shpresë vetes për kualifikim direkt në 1/8 e finales, pasi pas gjashtë xhirove gjendet në vendin e 14-të me nëntë pikë, dy më pak se vendi i tetë, që mbahet nga Rangers.
Lazio në anën tjetër e ka mposhtur Ajaxin në Holandë.
Tchaouna e kaloi skuadrën italiane në epërsi vetëm 12 minuta pasi filloi takimi dhe ky ishte goli i vetëm i pjesës së parë.
Ajax barazoi shifrat me të nisur pjesa e dytë, me golin e Traores.
Dele-Bashiru e riktheu epërsinë e Lazios në minutën e 52-të, ndërsa për rezultatin përfundimtar 3:1 realizoi Pedro në minutën e 77-të.
Lazio me fitoren 3:1, renditet në vendin e parë në Ligën e Konferencës pas gjashtë xhirove të para, e ndjekur nga Athletic Bilbao, që ka rekord të njëjtë.