I ftuar në emisionin “Dueli Botëror” në RTV Dukagjini, trajneri i njohur Afrim Tovërlani i ka komentuar performancat e Kroacisë në Kampionati Botëror 2022.
Ai fillimisht tha se “këta e çmojnë, e duan dhe e përkrahin njëri – tjetrin. Nuk vjen në pyetje te këta a luftohet apo jo për Kroacinë. Është shtet të cilin ne shqiptarët duhet ta kemi shembull”.
Tovërlani po ashtu shtoi se “nuk kemi nevojë të shkojmë aq larg. Shembull duhet ta kemi Kroacinë secili prej tyre se si luftohet për vendin e tyre në fushë, jo me vepra të këqija. E shihja sot Modricin, dojke me e lënë shpirtin në fushë me 37 vjet ani pse është botërori i fundit. Nuk do e shohim një futbollist të tillë për një kohë të gjatë”.