Futbollisti anglez Charlie Stratton ka ndërruar jetë në moshën 34-vjeçare dhe ende nuk dihet shkaku i vdekjes.
Ish-sulmuesi ka luajtur në një sërë klubesh në ligat e ulëta angleze. Klubi më i famshëm për të ishte AFC Wimbledon, ai gjithashtu luajti për Maidenhead, Aldershot, Braintree Town, Hayes dhe Yedding United dhe Slough Town, transmeton Ballkani.info.
“Ne jemi shumë të pikëlluar nga vdekja e ish-lojtarit tonë. I dërgojmë ngushëllimet tona më të sinqerta familjes dhe miqve të Charlie në këtë kohë të vështirë,” thanë ata nga Wimbledon.
Futbollisti fatkeq e nisi karrierën e tij në Chalfont St. Peter, ku luajti për gjashtë vite dhe shënoi 81 gola në 125 ndeshje. Ai e mbylli karrierën në këtë klub në vitin 2017.
“Fjalët nuk mund të përshkruajnë trishtimin e padurueshëm që ndjejmë pas vdekjes së Charlie. Një ‘dritë është fikur’ në klubin tonë dhe të gjithë ata që e njihnin Charlie,” tha Chalfont në një deklaratë. /GazetaSport