Sulmuesi shqiptar, Mirlind Daku ende nuk i është bashkuar Rubin Kazanit në stërvitje. Skuadra elitare e Rusisë tashmë ka nisur stërvitjet, ndërsa Daku kishte pushim më të gjatë për shkak të ngarkesës dhe paraqitjes në Evropian.
Për kthimin e Dakut në skuadër të enjten foli trajneri i Rubin Kazanit, Rashid Rahimov.
“Daku kthehet te ne pas një pauze. Ai kaloi periudhë të gjatë pa pushim dhe kishte nevojë për pushim. Duhet të shohim se në çfarë gjendje do të kthehet”.
Rahimov më pas është pyetur se a po ndryshon plani i lojës, duke ditur që edicionin e kaluar loja e Rubinit është varur shumë nga Daku.
“Po, sot po shoh që kualitetet e Shabanhaxhajt janë driblingu, hapësira pas shpinës, ka shpejtësi të mirë. Por shohim se ai ka edhe lodhje. E kam kuptuar që me të si sulmues ne luajmë futboll pak më ndryshe. Prandaj e kuptojmë se na duhen përforcime në vijën e sulmit”, ka thënë trajneri i Rubin Kazanit.
Shabanhaxhaj në janar iu bashkua Rubin Kazanit. Por deri më tani ka luajtur pak. Dukshëm më tepër hapësirë, në bazë të asaj që ka thënë trajneri i skuadrës, do të ketë në vazhdim. /GazetaSport