Mbrojtësi i Kosovës, Lumbardh Dellova, do të vazhdojë të jetë pjesë e CSKA Sofjes.
Kjo edhe pse në adresë të tij erdhën ofertat nga dy klube turke, Rizespor dhe Kocaelispor.
Kështu deklaroi trajneri Dusan Kerkez, para nisjes së skuadrës drejt përgatitjeve në Slloveni.
“Fola me Dellovën. Gjithçka është në rregull dhe ai dëshiron të qëndrojë te CSKA. Është ambicioz dhe dëshiron të bëjë diçka të madhe këtu”, deklaroi ai.
Kerkez iu dha fund spekulimeve për një largim të mundshëm të mbrojtësit të kombëtarës së Kosovës.
Tekniku boshnjak, theksoi gjithashtu rëndësinë e qëndrueshmërisë në skuadër dhe synimet e larta për sezonin e ri.
CSKA Sofja po përgatitet për ndeshjet parasezonale dhe do të zhvillojë katër miqësore. E para është më 25 qershor kundër Shkëndijës.