Trent Alexander-Arnold u prezantua si lojtar i Real Madridit.
Mbrojtësi i djathtë anglez mbajti një fjalim në të cilin u përpoq të fliste në spanjisht dhe megjithëse nuk ishte perfekt, ai nuk kishte nevojë për përkthyes dhe të gjithë e kuptuan mesazhin e tij.
Ai do të mbajë numrin 12 dhe do të ketë të shkruar vetëm “Trent” në pjesën e pasme të fanellës.
“Faleminderit Florentino Perez dhe Real Madridit për këtë mundësi. Nuk është çdo ditë që nënshkruan për Real Madridin, është një ëndërr e bërë realitet. Jam shumë i lumtur dhe krenar që jam këtu. Kam një dëshirë të madhe t’ua tregoj lojën time madrilenëve. Të luash për Real Madridin është një përgjegjësi e madhe. Dua të fitoj shumë tituj, të jem kampion dhe të shijoj veten me më të mirët në botë. Faleminderit dhe Hala Madrid!” tha Trent.