Trepça ’89 që është duke luftuar për mbetje në elitën e futbollit kosovar këtë edicion, ka shkaktuar befasi në kuadër të xhiros së 19-të të Superligës së Kosovës. Mitrovicasit të dielën në stadiumin “Riza Lushta” fituan përballë Dritës me rezultatin 1:0.
Golin e vetëm në këtë ballafaqim e realizoi Armend Gashi në minutën e 12-të të ndeshjes. Me këtë fitore, Trepça ’89 ngjitet në tabelë në vendin e shtatë dhe tani ka 22 pikë, dy më shumë se Drenica e vendit të tetë, zonës së plejautit.
Drita që pësoi disfatën e parë me trajnerin Arsim Thaqi në nisje të stinorit pranveror, mbetet me 38 pikë, tri më pak se Ballkani lider.