Kampionia e Kosovës në basketboll, Trepça, ka mësuar kundërshtarët për kualifikimet e Ligës së Kampionëve. Sfida e parë për ekipin mitrovicas do të jetë kundër skuadrës holandeze, Heroes Den Bosch.
Nëse Trepça kalon këtë pengesë, në gjysmëfinale do të përballet me fituesin e ndeshjes ndërmjet Bakken Bears nga Danimarka dhe BC Kutaisi 2010 nga Gjeorgjia.
Në këtë raund të kualifikimeve do të garojnë gjithsej 24 ekipe, të cilat do të konkurrojnë në tre turne të Raundit Kualifikues. Të gjitha ndeshjet do të zhvillohen në fund të shtatorit, ndërsa orari i detajuar dhe vendi i zhvillimit të ndeshjeve do të shpallen më vonë në korrik.
