Trepça e ka fituar derbin e javës në Superligën e basketbollit të Kosovës.
Të shtunën, në palestrën “Karagaçi”, mitrovicasit triumfuan bindshëm 85:69.
Trepça e fitoi çerekun e parë me pesë pikë dallim, para se Peja në çerekun e dytë të rikthehej për ta ngushtuar diferencën në vetëm një pikë.
Megjithatë, skuadra e Adis Beçiragiqit shkëlqeu në dy çerekët e fundit për ta siguruar fitoren e dhjetë radhazi.
Trepça mbetet në vendin e parë me 15 fitore e dy humbje, ndërsa Peja e dyta ka bilanc 12 fitore e pesë humbje.
Më herët, Prishtina e mposhti Yllin në kryeqytet për ta marrë pozitën e tretë në tabelë.