S’ka këndellje për Barcelonën në La Liga. Katalonasit e kanë regjistruar ndeshjen e tretë pa fitore.
Barcelona pësoi 1:2 në shtëpi nga Las Palmas, në kuadër të javës së 15-të në elitën e futbollit spanjoll.
Pjesa e parë u mbyll pa gola të shënuar, kurse e dyta nisi me to
Ramirez kaloi mysafirët në epërsi në minutën e 49-të të ndeshjes.
Raphinha barazoi shifrat në minutën e 61-të me një gol të bukur.
Por vetëm gjashtë minuta më pas, Silva e riktheu epërsinë e Las Palmas, për t’i dhënë një fitore të madhe.
Përkundër humbjes, Barcelona mbetet përkohësisht lider në tabelë me 34 pikë, katër më shumë se Real Madridi që ka dy ndeshje më pak të luajtura.
Në anën tjetër, me këtë fitore, Las Palmas ngjitet në vendin e 14-të me 15 pikë.