Skuadra e Llapit ka konfirmuar largimin e sulmuesit Trimror Selimi.
Ai me marrëveshje të dyanshme ka ndërprerë bashkëpunimin me skuadrën e Tahi Batatinës për të vazhduar karrierën një në skuadër tjetër.
Selimi Llapit iu bashkuar para dy vite nga KF Ulpiana.
Postimi i KF Llapit:
Komunikatë Zyrtare: Përfundojmë me marrëveshje të dyanshme bashkëpunimin me sulmuesin Trimror Selimi ????
Klubi Futbollistik “Llapi” njofton publikun se me marrëveshje të dyanshme ka përfunduar bashkëpunimin me sulmuesin anësor, Trimror Selimi.
Përfundimi i bashkëpunimit me Selimin para kohe vjen me dëshirën dhe vullnetin e plotë të klubit dhe vetë futbollistit.
Selimi u bashkua me klubin në vitin 2022 nga KF Ulpiana dhe gjatë dy sezoneve si “bardhekaltër” arriti t’i zhvilloj 60 ndeshje, duke kontribuuar me 7 gola dhe 5 asistime.
Klubi falenderon Selimin për kontributin dhe i dëshiron mbarësi në vazhdim të karrierës. /Ballkani.info