Federata e Futbollit e Kosovës vazhdon luftën me MKRS-në lidhur me licencimin e saj dhe në këtë mënyrë t’i zhbllokojë klubet të cilat po humbasin kështu edhe nga Ligji i Sponsorizimit.
Ajo që duhet pranuar është se tashmë në këtë çështje sikur po ndikojnë edhe palët e treta pasi ka të tillë që janë zyrtarë në MKRS dhe nuk kanë shprehur fare interes për ta licencuar FFK-në.
Këtë e ka thënë edhe sekretari i Përgjithshëm i FFK-s,ë Taulant Hodaj i cili tronditi kur tha se në sy të Ministrit një anëtar i Komisionit na ka thënë se kurrë nuk do të vë nënshkrimin për licencim.
“Një anëtar i Komisionit në takimin e fundit na ka thënë në sy të Ministrit dhe të tjerëve që ishim prezentë aty se kurrë nuk do ta qesë nënshkrimin për ta licencuar FFK-në”, ka thënë Hodaj për KlanKosova me shpresë se ministri do të reflektojë dhe ka fuqi të marrë përsipër vetë dhe ta tejkalojmë këtë ngecje.
“Ministri ka fuqi dhe besoj se duhet të reagojë dhe të ndryshojë pasi janë duke e marrë një qafë një komunitet të tërë të futbollit”, ka përfunduar Hodaj.