“Thyerja me Boban? Ai nuk e meriton komentin tim. Ata që e njohin atë dhe mua natyrisht do të dalin në përfundimet e tyre. Kongresi, dhe jo një individ i vetëm, ka autoritetin për të përcaktuar përshtatshmërinë e çdo ndryshimi. Ne kemi besim në procesin tonë kolektiv dhe vendimmarrje demokratike, për të na udhëhequr në mënyrë efektive drejt së ardhmes”. Kështu presidenti i UEFA-s, Aleksander Ceferin, në një intervistë për La Repubblica, është shprehur në lidhje me dorëheqjen e zëvendëspresidentit Zvonimir Boban.
Kroati i famshëm e akuzoi Ceferin se dëshiron të garantojë ligjërisht riemërimin e tij në vitin 2027. “A kam ndërmend të kandidoj sërish në 2027? Do ta them kur të vijë koha”, ka thënë shkurt kreu i organizmit më të lartë evropian të futbollit.
“Vendimi i Gjykatës Evropiane të Drejtësisë për Super Leagur? Zyrtari i shtypit bëri një deklaratë që ishte ndryshe nga fjalët e vendimit. Një paketë e dekoruar mirë për kundërshtarët tanë, por nuk kishte asgjë brenda. Super League është kundër të gjithë logjikës së futbollit. E nëse askush nuk e do, askush nuk e bën – deklaroi më pas Ceferin në lidhje me propozimin e Bernd Reichart. CEO i A22, jo vetëm prezantoi 3 ligat e reja, por premtoi edhe ndeshje falas për të gjithë: “Një nonsense i plotë. Për drejtorin ekzekutiv të A2, siç e quaj unë një akronim që përfaqëson vetëm 2 klube, e huazoj përkufizimin nga presidenti i La Ligës spanjolle, Javier Tebas: ai është një David Copperfield, një iluzionist i fjalëve. Unë edhe mund të them se kam nënshkruar për të luajtur për Inter ose Milan, por gjërat janë të vërteta vetëm kur ndodhin”.