Organi i Apelit i UEFA-s ka vendosur sot ta pranojë përkohësisht Barcelonën në Ligën e Kampionëve për edicionin 2023/24.
Më poshtë mund ta lexoni komunikatën e lëshuar nga shtëpia e futbollit evropian:
– “Procedura në lidhje me pranimin e FC Barcelona në kompeticionet e UEFA-s për klube në edicionin 2023/24 është pezulluar dhe mund të rifillojë me kërkesë të Inspektorëve të Etikës dhe Disiplinës (EDI), përgjegjës për rastin.”
– “FC Barcelona ka të drejt përkohësisht të marrë pjesë në kompeticionet e UEFA-s për klube në sezonin 2023/2024. Një vendim i ardhshëm për pranim/përjashtim nga kompeticionet e UEFA-s është i rezervuar.”
– “EDI përgjegjës për çështjen është i ftuar të vazhdojë dhe t’i finalizojë hetimet dhe t’i dërgojë raport të mëtejshëm Organit të Apelit të UEFA-s kur ta konsiderojë se duhet të merret parasysh pranimi/përjashtimi i FC Barcelona.”