UEFA i ka dhënë një gjobë shumë të madhe Rumanisë duke ia bërë me dije se tifozët e saj por edhe sjellja e zyrtarëve të Federatës karshi Kosovës ka qenë raciste.
Pasojat e vetme që Kosova i mori në këtë rast është rezultati, gjë të cilën që në fillim zyrtarët e Federatës së Futbollit të Kosovës e kanë deklaruar se nuk e kanë primare.
“Rezultati nuk do të jetë në planë të parë, për ne është e rëndësishme ta ruajmë indentitetin e shtetit tonë dhe nuk do të lejojmë në asnjë fushë të shkelet ai”, kishte deklaruar FFK-së pas vendimit për t’u tërhequr nga fushë.
Ishte e qartë se fitorja do t’i takojë Rumanisë, kjo pasi gjyqtari kryesor kishte vendosur ta nis ndeshjen dhe i kishte ftuar futbollistët e Kosovës të dalin në fushë, gjë të cilën e refuzuan dhe mirë bënë, pasi ishin këmbëngulës që nuk lejojnë të përdhoset shtetësia e Kosovës.
Në anën tjetër Rumania ka marrë një dënim drastik, ku përveç një ndeshjeje pa tifozë, ajo do të paguaj hiq më pak se 128 mijë euro gjobë për thirrje raciste.