Vendimet e UEFA-s kanë mbërritur në lidhje me ngjarjet që ndodhën marsin e kaluar me rastin e ndeshjes kualifikuese për Euro 2024 mes Malit të Zi dhe Serbisë që përfundoi 0-2 me dy golat e Dusan Vlahovic.
UEFA ka përcaktuar se Serbia do të duhet të luajë një ndeshje kualifikuese për Europianin e ardhshëm pa tifozë. Vendimi erdhi pas thirrjeve diskriminuese nga tifozët gjatë ndeshjes kundër rivalëve të Malit të Zi.
Në të vërtetë, të dy grupet e tifozëve kanë shkëmbyer fyerje mbi baza etnike gjatë ndeshjes në Podgoricë në mars. Të njëjtin “fat” e ka pësuar, përveç Serbisë, edhe Mali i Zi.
Pra, të dyja skuadrat do të luajnë përkatësisht një ndeshje me dyer të mbyllura në ndeshjen kundër Hungarisë për Serbinë dhe Bullgarisë për malazezët. Këtij sanksioni i shtohet edhe një gjobë në para për të dyja federatat. Serbët do të duhet të paguajnë 50,000 euro ndërsa malazezët do të duhet të paguajnë 20,000 euro.