UEFA ka refuzuar një kërkesë të çuditshme të Federatës së Futbollit të Spanjës që skuadrat e La Ligës të përjashtohen nga garat europiane pasi që qeveritarë spanjoll thanë që Luis Rubiales duhet të shkarkohet ose të japë dorëheqje nga federata.
Te premten, RFEF i ka dërguar një letër kërkesë UEFA-së që ata të përjashtoheshin nga trupi qeverisës për shkak të ndërhyrjes së Qeverisë në debatin për Luis Rubiales pasi që presidenti e puthi në buzë futbollisten Jenni Hermoso pas finales së Botërorit të grave.
Rubiales është suspenduar nga FIFA pas këtij incidenti derisa Hermoso ka sqaruar se ajo nuk e kishte dhënë pëlqimin për këtë puthje, duke rezultuar në atë që prokurorët të hapin hetim kriminal për Presidentin.
Qeveria spanjolle ka kërkuar nga Tribunali i Sporteve në Spanjë që të suspendohet Rubiales, për të cilën gjë RFEF ka thënë se thyen rregullat e UEFA pasi që Qeveria po ndërhynë në trupin qeverisës të futbollit.
Duket se Rubiales – dhe sekretari gjeneral i federatës, Andreu Camps – ishin të gatshëm që të largonin skuadrat spanjolle nga pjesëmarrja e tyre në Ligën e Kampionëve, Ligën e Europës dhe Ligën e Konferencës për ta shantazhuar kështu qeverinë spanjolle vetëm që ai mos të largohet nga federata.
Megjithatë, siç raporton AS, Presidenti i UEFA-së Aleksander Ceferin e ka refuzuar këtë kërkesë – duke ia kthyer simbolikisht shppinën Rubiales, i cili ndodh të jetë edhe nënpresident i UEFA-së.
Duke i bërë jehonë qëndrimit të UEFA-së, Victor Francos, President i Këshillit të Lartë të Sporteve në Spanjë, i ka siguruar klubet spanjolle që qeveria është “duke vepruar brenda rregullorëve” dhe “nuk ka rrezik të pjesëmarrjes së tyre në të gjitha kategoritë”.