Israel Adesanya ka rikthyer titullin në kategorinë e mesme në serinë UFC, duke e nokautuar në mënyrë spektakolare rivalin e tij Alex Pereira të shtunën mbrëma në Miami.
I mbështetur me shpinë nga kafazi në rundin e dytë, Adesanya 33-vjeçar lëshoi dy të djathta të fuqishme duke e rrëzuar Pereiran (35).
Me këtë fitore Adesanya nxori hak ndaj tri humbjeve të kaluara që kishte pësuar nga Pereira.
Ai kishte pësuar dy herë në kikboks nga braziliani, si dhe në UFC në nëntor të vitit të kaluar.
Në nëntor Pereira e mposhti me nokaut në rund të pestë, duke ia marrë titullin.
“Shpresoj që të gjithë, së paku një herë në jetë, të shijojnë këtë nivel të lumturisë që e kam tash. Por, nuk do të ndieni këtë nivel të lumturisë nëse nuk synoni diçka. Kur të ju rrëzojnë, e nëse nuk ngriheni, kurrë nuk do të përjetoni këtë ndjenjë të lumturisë”, tha Adesanya.