Manchester United ka vënë në shënjestër Harry Kane. Ky është lajmi i bujshëm që është dhënë nga Daily Mail, sipas së cilës Erik ten Hag ka vënë sulmuesin anglez në krye të listës së kërkesave të tij për merkaton e verës.
Pavarësisht se kontrata e futbollistit është afër skadencës (2024), klubi londinez nuk e vlerëson më pak se 85 milionë sterlina (rreth 100 milionë euro) sulmuesin.
Pronari i klubit Dan Levy, megjithatë, ngurron që t’ia shesë Kane një rivali në Premier League, arsye për të cilën nuk duhen nënvlerësuar rrugët që çojnë te Bayern Munich dhe Real Madrid.
Merkato e Manchester United nuk është e mbyllur as për sa i takon shitjeve ose largimeve. Sipas Sky Sports UK, Djajtë e Kuq duket se kanë ndërmend të largojnë me huazim dy të rinj që nuk po gjejnë hapësira me Erik ten Hag.
Facundo Pellistri dhe Anthony Elanga mund të bëjnë valixhet në ditët e ardhshme, ndërsa klubi duket se ka përjashtuar transferimin e Aaron WanBissaka, Scott McTominay dhe Harry Maguire.