Bruno Fernandes ka realizuar gol në minutën e 97-të për t’ia siguruar fitoren skuadrës së Manchester Unitedit. Unitedi të shtunën pasdite e fitoi ndeshjen dramatike ndaj Burnleyt në shtëpi me rezultatin 3:2. Kjo ishte edhe fitorja e parë e Unitedit këtë edicion.
Kjo ndeshje i takoi javës së tretë të Premier Leagues.
Fillimisht Josh Cullen realizoi autogol në minutën e 27-të për epërsinë e Unitedit.
Burnley i barazoi shifrat në minutën e 55-të me golin që e realizoi Lyle Foster.
Dy minuta më pas, Bryan Mbeumo e kaloi sërish në epërsi 2:1 Unitedin.
Në minutën e 66-të, Jaidon Anthony, e barazoi rezultatin në 2:2.
Dhe ishte goli i Fernandesit krejt në fund të ndeshjes që ia siguroi tre pikët “Djajve të Kuq”.
Unitedi të mërkurën u turpërua duke u eliminuar nga Kupa e Ligës në Angli.
Klubi që për trajner e ka Ruben Amorimin u mposht pas ekzekutimit të penalltive nga Grimsby, që garon në Kategorinë e Katërt të futbollit në Angli.