Valon Berisha e ka fituar derbin e Melbournit me skuadrën e tij.
Melbourne City në ndeshjen e fundit triumfoi në udhëtim te Melbourne Victory me rezultatin 2:0. Ishte ndeshje e xhiros së tretë dhe skuadra e Berishës ka tri fitore në po aq ndeshje. Kryeson në tabelë me nëntë pikë.
Jamie Maclaren shënoi në minutën e 17-të nga penalltia të cilën e shkaktoi Nani.
Ndërkohë, goli i dytë ishte autogol i Cadetes. Cadete e shtyu gabimisht topin në rrjetë pas harkimit të Valon Berishës, i cili e qëlloi shtyllën fillimisht.
Skuadra vendëse nga minuta e 35-të luajti me një lojtar më pak në fushë pasi me kartonin e dytë të verdhë u përjashtua Joshua Brillante.
Berisha luajti deri në minutën e 67-të.