Mesfushori i Real Madridit, Federico Valverde, mund të përballet me një pezullim të gjatë për sulmin e dyshuar ndaj Alex Baenas të Villarrealit.
Valverde mund të suspendohet nga katër deri në 12 ndeshje, pasi dyshohet se më 9 prill goditi Baenan. Baena ka konfirmuar se ai ka paraqitur një raport zyrtar në polici kundër Valverdes, ndërsa Shoqata e Futbollistëve ka hapur po ashtu një dosje dhe mund t’i japë mesfushorit madrilen një dënim të rëndë.
Çështja është planifikuar të hapet zyrtarisht të mërkurën, sipas “Sport”. Të dy lojtarët do të ftohen për të dëshmuar në rastin që pritet të zgjatë për gjashtë javë.