Futbollisti serbe, Sinisha Mihajloviq ka vdekur sot në moshën 53 vjeçare.
Mihajloviq ka lindur më 20 shkurt 1969 në Vukovar. Ai u rrit në Borovën lokale, ku u bë futbollist profesionist në vitin 1986.
Dy vjet më vonë ai u transferua në Vojvodina të Novi Sadit dhe në vitin 1990 arriti në Crvena Zvezda, me të cilën u bë kampion i Evropës dhe Botës, transmeton Gazeta Sport.
Pas dy sezonesh në Zvezdë, ai u transferua në Itali, ku fitoi statusin e një prej mbrojtësve më të mirë në Serie A në fanellën e Romës, Sampdorias, Lacios dhe Interit.
Ish-trajneri i Milanit dhe shumë skuadrave të tjera në Itali bëri me dije në korrik 2019 se kishte zbuluar se vuante nga sëmundja e leukemisë. /Gazeta Sport/