Arlind Veliu i Malishevës është shpallur futbollisti më i mirë i xhiros së 22-të të Superligës së Kosovës në futboll.
Përzgjedhjen e ka bërë një komision i angazhuar nga FFK-ja. Veliu për herë të dytë këtë edicion u shpall më i miri.
Ai shënoi gol të bukur, ndërsa u shqua me ndërhyrje në mbrojtje në fitoren 3:1 të Malishevës ndaj Ballkanit.
“Do të vazhdoj të jap maksimumin për ekipin tim. Ishte gol vendimtar që na ndihmoi të sigurojmë tri pikë të rëndësishme”, ka thënë Veliu.