Futbollisti Borel Moukoko u transferua në shtator te klubi kosovar Ferizaj.
“Kemi kënaqësi t’ju informojmë se skuadra jonë është përforcuar me mbrojtësin e krahut të majtë, lojtarin nga Kameruni me nënshtetësi gjermane. Ai vjen në Kosovë pas disa eksperiencave në futbollin gjerman. Ne i dëshirojmë shumë suksese në vazhdim Moukokos në fanellën tonë”, thuhej në njoftimin e klubit ferizajas.
Mirëpo, po në këta dy muaj, në arenën botërore të futbollit shpërtheu vëllai i tij, Youssouffa Moukoko.
17-vjeçari, që po shkëlqen me fanellën e Borussia Dortmundit, duke e zëvendësuar denjësisht Erling Haalandin e larguar gjatë verës, ka arritur t’i realizojë gjashtë gola e katër asistime deri tani.
Për të po gufojnë spekulimet se mund të largohet si agjent i lirë verën e ardhshme te ndonjëri prej top klubeve botërore si Liverpooli, Arsenali, Barcelona e Manchester Unitedi.