Vëllezërit Arbër dhe Besfort Zeneli kanë qenë titullar tek Elfsborgu që pësoi disfatë në ndeshjen e parë të fazës së ligës të Ligës së Evropës.
Ekipi suedez humbi të mërkurën nga Az Alkmaari me rezultatin 3:2.
Arbëri u zëvendësua në minutën e 55-të, kurse Besforti kompletoi takimin.
Suedezët ishin të parët që kaluan në epërsi me golin e minutës së 23-të. Timothy Ouma shënoi për 1:0, por në skenë doli Ruben van Bommel që shënoi dy gola për holandezët. Golin e barazimit e shënoi në minutën e 44-t, kurse të epërsisë në minutën e 50-të.
Megjithatë, Elfsborgu barazoi shifrat në minutën e 55-të. Simon Hedlund shënoi për 2:2, kurse në minutën e 74-t, Roy Parrott realizoi për fitoren 3:2. Sebastian Holmen i Elfsborgut u përjashtua me karton të kuq në minutën e 86-të.