Edhe pse kanë mbetur shumë ndeshje deri në fund të eliminatoreve për Kampinatin Evropian 2024, Federata e Futbollit e Kosovës veproi mirë me shkarkimin e trajnerit francez, Alian Giresse dhe ndihmësit të tij.
Katër ndeshje, tri barazime dhe një humbje nuk ishte arsyeja e vetme e këtij shkarkimi. Presidenti i FFK-së, Agim Ademi mori këtë hap duke e parë që edhe atmosfera brenda ekipit, pavarësisht krijimit të kushteve shumë të mira si akomodimin e lojtarëve ashtu edhe për stërvitje, nuk ka qenë në nivel, pasi kishte pakënaqësi në adresë të trajnerit dhe ishte e detyruar të intervenohet në këtë kohë.
Burime të Demokracia.com, mësojnë se numri një i FFK-së, së bashku më ekspertët e FFK-së, janë duke analizuar gjithë situatën dhe po punojnë për të sjellë sa më shpejt një trajner që i përshtatet më së miri mentalitetin tonë.
Gjasat janë të mëdha që ekipi t’i besohet një trajner shqiptar, por nuk përjashtohet mundësia që aty të vjen edhe ndonjë i huaj, me destinacion Gjermania.
Kosova është në Grupin I, së bashku me Zvicrën, Rumaninë, Izraelin, Bjellorusinë dhe Andorrën, derisa pozicionohet e parafundit në tabelë me vetëm tre pikë. /GazetaSport.info