Sulmuesi i Kosovës, Edon Zhegrova, me Juventusin e kanë fituar një pikë në përballjen ndaj Atalantas.
Juve në shtëpi barazoi 1:1 me Atalantan, në ndeshjen e vlefshme për xhiron e pestë të Serie A.
Zhegrova është paraqitur nga minuta e 64-t te “Zonja e Vjetër”.
Mysafirët kaluan në epërsi në minutën e parë shtesë të pjesës së parë me golin që e shënoi Kamaldeen Sulemana.
Juve shifrat i barazoi në minutën e 78-të. Realizatori i golit ishte Juan Cabal.
Tek Atalanta në minutën e 80-të mesfushori Marten de Roon u përjashtua nga loja pasi u ndëshkua me kartonin e dytë të verdhë.
Berat Gjimshiti e kompletoi ndeshjen te mysafirët. Për Juven ishte barazimi i tretë rresht në të gjitha garat. Ka 11 pikë në vendin e dytë. Lider është Napoli me një pikë më shumë por e ka edhe një ndeshje më pak të luajtur.
Atalanta e zë vendin e pestë me nëntë pikë.